2025-03-06 күнү жарыя болгон токтомдор

1. Кашка-Суу айыл өкмөтүнүн 2025-жылга жергиликтүү  бюджети кирешелер боюнча 40180,7 (кырк  миллион бир жүз сексен миң жети  жүз) сом суммасында жана чыгашалар боюнча  40180,7  (кырк  миллион бир жүз сексен миң жети  жүз) сом суммасында 1-тиркемеге ылайык бекитилсин  (тиркеме тиркелет).

2. Корголгон беренелер (эмгек акы, социалдык фондуна чегерүүлөр, жана коммуналдык кызмат көрсөтүүлөр, көмүр-отун сатып алуу)  чыгашаларды каржылоо биринчи кезектеги тартипте жүргүзүлсүн.

3. Кашка-Суу айыл өкмөтүнүн аппаратына 12 штаттык бирдик каралсын анын ичинен техникалык жана кенже тейлөөчү кызматкер  3 штат.

4. Кыргыз Республикасынын Министрлер Кабинетинин  жергиликтүү өз алдынча башкаруу органдарынын ишин уюштуруу жөнүндө №52 токтомунун 4-главасынын 17-пункутуна ылайык 5 (беш) келишим менен кызматкер каралсын.

5. Кашка-Суу айылдык кенешине 1 штаттык бирдик каралсын (айылдык кеңешинин жооптуу катчысы).

6. Клубдарга 15 штаттык бирдик каралсын,  анын ичинен техникалык жана кенже тейлөөчү кызматкер 5 штат.

7. Китепканаларга 4 штаттык бирдик каралсын.

8. Токтомдун  аткарылышын көзөмөлгө  алуу жагы айылдык кеңештин бюджет, салык жана финансы боюнча туруктуу комиссиясына милдеттендирилсин.

      1. Кашка-Суу айыл өкмөтүнүн 2024-жылда аткарган иштеринин отчету айрым кемчиликтерин эске алуу менен канааттандырарлык деп табылсын.

      2. Айыл аймакта айыл өкмөт тарабынан башталган иштерге жоопкерчилик менен көзөмөлгө алып, бүткөрүү жагы Кашка-Суу айыл өкмөтүнүн башчысы Г.А.Мадалиевге милдеттендирилсин.

      3. Токтомдун аткарылышын көзөмөлгө алууну өзүмө калтырамын.

1. Кашка-Суу айыл өкмөтүнө караштуу Кашка-Суу айылындагы маданият үйү күйүп кеткендигине байланыштуу анда эмгектенген 4 (төрт) кызматкерге (маданият үйүнүн башчысына, көркөм жетекчисине, кароолчусуна  жана китепканачысына) эмгек акы төлөө 2025-жылдын 1-январынан тартып убактылуу токтотулсун.      
2. Маданият үйүнүн  тазалоочусунун  иш орду сакталсын. Тазалоочу кароолчунун милдетин аткарып,  айыл өкмөттүн кеңсесин тазалоо жагы милдеттендирилсин.
3.  Маданият үйүнүн курулуш иштери бүткөрүлгөндөн кийин эмгек акы төлөө улантылсын.
4.  Токтомдун  аткарылышын көзөмөлдөө  жагы  Кашка-Суу айыл аймактык кеңешинин бюджет, салыктар жана финансы боюнча  туруктуу комиссиясына тапшырылсын.

1. Кашка-Суу айылындагы таза суунун курулушу бүтпөй тендер сотко өтүп кеткендигине байланыштуу Кашка-Суу айылынын элин таза суу менен камсыздап туруу максатында элдик жыйындын протоколунун негизинде таза сууну оңдоо, тетиктерин алмаштырып туруу жагы   Кашка-Суу айылынын тургуну  Колчоков Камаридинге тапшырылгандыктан, айыл эли таза сууга болгон төлөмдү убагында төлөөсү белгиленсин.
2. Материалдык чыгымды эске алуу менен  таза сууга болгон төлөм  200 (эки жүз) сом өлчөмүндө  бекитилсин.
3. Токтомдун  аткарылышын көзөмөлдөө  жагы  Кашка-Суу айыл аймактык кеңешинин бюджет, салыктар жана финансы боюнча  туруктуу комиссиясына тапшырылсын.

1. Кашка-Суу айыл аймагына караштуу  “Кырчын”  участкасынын №552-контурунан 4,48га жайыт, №553-контурунан 0,22га ыңгайсыз жер, №554-контурунан 0,52га жайыт, №555-контурунан 0,91га жайыт, №556-контурунан 0,80га жайыт, №557-контурунан 1,26 га жайыт, №558-контурунан 2,60 га жайыт, №559 контурунан 5,71 га жайыт, №563-контурунан 15,65га жайыт, №564-контурунан 0,96га, ыңгайсыз жер,  №565-контурунан 15,42 га жайыт, №567-контурунан 1,47га жайыт  “Айыл чарба багытындагы жерлер” категориясынын   жалпы 50,0га жер аянтын “Айыл чарба багытындагы жерлер” категориясынын сугат айдоо  түрүнө которууга  (трансформациялоого)    макулдук берилсин.
2. Тиешелүү юридикалык документтерин даярдоо жагы Кашка-Суу айыл өкмөтүнүн башчысы Г.А.Мадалиевге милдеттендирилсин.
3. Токтомдун  аткарылышын көзөмөлдөө  жагы Кашка-Суу айыл аймактык кеңешинин экономика, инвестиция тартуу,  жер жана агрардык реформа  боюнча туруктуу комиссиясына    тапшырылсын.

1.Жергиликтүү  бюджетинен казыналык эсепте иштетилбей калган  9 577 871 сом, атайын каражаттан 161 996 сом акча каражаттары төмөндөгүдөй тартипте бөлүштүрүлсүн.

Мектеп бөлүмүнө:

“Бурган-Суу” орто мектебине  кичи футболдук  аянтча  курууга

түрткү берүүчү грантка өздүк салым   үчүн                              - 3 066 012 сом   3111 статьясына

ЖКУ бөлүмүнө:

Техника алуу                                                                            -1 300 000 сом  3112 статьясына

Кашка-Суу айыл өкмөтүнө карашатуу

таза сууларга материал алуу                                                               -210 000 сом    2222 статьясына

Кабык айылын көчөлөрүн жарыктандыруу                                        -100 000 сом    2222 статьясына

Жайылма айылын көчөлөрүн  жарыктандыруу                       -150 000 сом   2222 статьясына

Ачык-Суу айылынын каналдарына труба алуу                       -210 000 сом   2222 статьясына

Балдар бакчасы бөлүмүнө

Кашка-Суу балдар  бакчасынын жылытуучу системасын ондоо  -250 000 сом   3111 статьясына

Клуб бөлүмүнө  

Кашка-Суу айылдык маданият  үйүн капиталдык                

ондоо үчүн                                                                                      -4 132 205 сом   3111 статьясына

Жайыт бөлүмүнө

2024-жылдан калган акча каражатын кайтаруу                       -159 654 сом     2215 статьясына

Аппарат атайын каражытына:

- Айыл  өкмөтүнүн  канцелярдык чыгымдары үчүн                          - 1156 сом 2222  статьясына

Бала бакчанын атайын каражатына:

- Бала бакчалардын тамак-ашы үчүн                                                        - 160840 сом 2218 статьясына

       2.Токтомдун     аткарылышын      көзөмөлгө     алуу   жагы  айылдык  кеңештин бюджет, салык жана финансы боюнча туруктуу комиссиясына милдеттендирилсин.

1. Жайыт комитетинин 2025- жылга карата киреше бөлүгү  2  559 930  сом.

-Бодо малдын жалпы  саны  4771 баш, ар бир башка  90  сом, жалпы  429 390 сом.

-Бодо мал топоздор 1283 баш, ар бир башка 126 сомдон жалпы  161 658 сом

-Кой,эчки жалпы 18546 баш,ар бир башка 18 сом, жалпы  333 828 сом.

- Жылкы  1429  баш, ар бир башка  126 сом, жалпы 180 054 сом.

-Башка райондордон келген койлор  10 000 баш, ар  бир башка 120 сом жалпы суммасы  

1 200 000 сом.

-Альфа телеком компаниясы   3500 сом, 12 айга   42 000 сом

-Нур телеком компаниясы   15 000 сом 12 айга 180 000 сом

-Жайыт жерлерди башка максатта пайдалануу, чөп чабынды үчүн 30 га  600 сомдон  18 000 сом

- Жайыт жерлерди башка максатта пайдалануу, туризм 3 га 5000 сомдон 15 000 сом

      2.Токтомдун аткарылышын көзөмөлдөө  жагы айылдык кеңештин  Жер, турак жай жана жайыт боюнча туруктуу комиссиясына  тапшырылсын.

1.  Кашка-Суу айыл аймагына караштуу Ачык-Суу айылындагы  “Мазар” участкасында жайгашкан  “Ак-Тилек” көчөсүндө башкы пландагы турак-жай куруу үчүн көрсөтүлгөн 0,15 га жер аянтынын багыты  мечит курууга  өзгөртүлүп, мечит куруу үчүн бөлүп берүүгө макулдук берилсин.
2. Тиешелүү иш кагаздарын даярдоо жагы  Кашка-Суу айыл өкмөтүнүн  башчысы Г.А.Мадалиевге милдеттендирилсин.
3. Токтомду көзөмөлдөөнү Укук коргоо, депутаттык иш жана этика, мыйзамдуулук, коомдук уюмдар менен байланыштар боюнча комиссиясына тапшырылсын.

1.  Кашка-Суу айыл аймагына караштуу Кабык  айылындагы  таза суу түтүгүнүн кошумча суу насосуна көмөкчү чордон куруу үчүн  Чоң-Алай айыл өкмөтүнөн 25 (жыйырма беш) жылга убактылуу пайдаланууга алынган 0,25 га жер аянтынын ичинен 100м2 жер аянтын убактылуу пайдаланууга  чектеп берүүгө   макулдук берилсин.
2.  Тиешелүү иш кагаздарын даярдоо жагы  Кашка-Суу айыл өкмөтүнүн  башчысы Г.А.Мадалиевге милдеттендирилсин.
3.  Укук коргоо, депутаттык иш жана этика, мыйзамдуулук, коомдук уюмдар менен байланыштар боюнча комиссиясына тапшырылсын.

1. Кашка-Суу айыл өкмөтүнүн Аксакалдар сотун материалдык-техникалык жактан камсыз кылуу максатында Кыргыз Республикасынын Аксакалдар соттору жөнүндө мыйзамынын VII бөлүмүнүн 33-статьясына ылайык жергиликтүү бюджеттин эсебинен 20 000 (жыйырма) миң сом акча каражатын бөлүп берүүгө макулдук берилсин.
2. Акча каражатын мыйзам чегинде  бөлүп берүү жагы Кашка-Суу айыл өкмөтүнүн бөлүм башчысы К.А.Жалиловко милдеттендирилсин.
3. Токтомдун     аткарылышын     көзөмөлгө     алуу   жагы  айылдык  кеңештин бюджет, салык жана финансы боюнча туруктуу комиссиясына тапшырылсы

1. Кашка-Суу айыл өкмөтүндөгү “Кашка-Суу айыл аймагынын” муниципиалдык ишканасына 7 (жети) штаттык бирдик (жетекчи, эсепчи, инженер, оператор, сантехник,          2 кароолчу)  бекитилсин.
2. Бекитилген штаттын чегинде иш алып баруу  “Кашка-Суу айыл аймагынын” муниципиалдык ишканасынын башчысы Р.Бакировго милдеттендирилсин.
3. Укук коргоо, депутаттык иш жана этика, мыйзамдуулук, коомдук уюмдар менен байланыштар боюнча комиссиясына тапшырылсын.