29-июнда Чоң-Алай райондук мамлекеттик администрациясынын алдында укук бузуулардын алдын алуу боюнча Координациялык кеңешменин кезектеги отуруму өткөрүлдү.

Отурум Чоң-Алай райондук мамлекеттик администрациясынын башчысы-акимдин орун басары, Координациялык кеңешменин төрагасы Б.Ж. Бакыбековдун төрагалыгы алдында өттү.

Жыйынга Чоң-Алай райондук сотунун төрагасы А.Б. Бекбулатов, Чоң-Алай районунун прокурору А.Б. Сыдыков, Чоң-Алай райондук ички иштер бөлүмүнүн башчысы З.К. Сарыков, ошондой эле Координациялык кеңешменин мүчөлөрү катышты.

Күн тартибинде төмөнкү маселелер каралды:

• укук бузуулардын алдын алуу;
• үй-бүлөлүк зомбулуктун жана башка зордук-зомбулук көрүнүштөрүнүн алдын алуу;
• балдарга карата жана балдар тарабынан жасалган кылмыштардын алдын алуу;
• алдамчылык кылмыштарынын алдын алуу;
• экстремизмге жана терроризмге каршы күрөшүү.

Жыйындын жүрүшүндө тиешелүү мекеме-ишканалардын жетекчилеринин маалыматы угулуп, күн тартибине киргизилген маселелер боюнча кеңири талкуу жүргүзүлдү.

Отурумдун жыйынтыгында укук бузуулардын алдын алуу багытындагы иштердин натыйжалуулугун жогорулатууга, мекемелер аралык кызматташууну күчөтүүгө жана профилактикалык иш-чараларды активдештирүүгө багытталган тиешелүү чечимдер кабыл алынды.